Kisitsisitigut paasissutissat siunertaat

Saqqummersitaq una innuttaasut ilinniagaqarnerisa qaffasissusaannik naatsorsuineruvoq. Innuttaasut ilinniagaqarnerisa qaffasissusaat aammalu ilinniagaasa ineriartornerat kisitsisitigut paasissutissat malinnaaffigineqarsinnaalersippai.

 

Innuttaasut ilinniagaqarnerisa nalunaarsuutaanni allannguutit piginnaalersitsisunik ilinniakkanik naammassinninnerit amerlassusaannik kisimi takutitsinngillat. Ilinniagaqarsimassuseq aammattaaq nunasisut aammalu allamut nunasiartortut akornanni ilinniakkat qaffasissusiinit sunnerneqartarpoq. Taamatuttaaq ilinniagaqarsimassuseq inuit toqusut akornanni ilinnikkat qaffasissusaannik sunnerneqartarpoq. Ilinniakkat qaffasissusiisa nalunaarsuutaat nalinginnaasumik innuttaasuni inuusunnerusuni matussusiinerusarput. Taamaattumik ilinniakkat qaffasissusaanni qaffariaatip ilaa ilinniakkat naammassineqartut annertuumik matussusiinerulernerannik peqquteqarsinnaavoq (saqqummersitami periaatsimut nassuiaat takuuk).